శాంతిపురం,చిత్తూరు ఎక్స్ ప్రెస్,మే09:
చిత్తూరు జిల్లా శాంతిపురం మండలం కడపల్లి పంచాయతీ పరిధిలోని మాదనపల్లి గ్రామంలో శనివారం పోలీసులు విస్తృత కవాతు, తనిఖీ కార్యక్రమాన్ని నిర్వహించారు. చిత్తూరు జిల్లా పోలీసు అధికారి ఆదేశాల మేరకు కుప్పం ఉపవిభాగ పోలీసు అధికారి డి. పార్థసారథి పర్యవేక్షణలో కుప్పం గ్రామీణ పోలీసు వలయాధికారి జె. మల్లేష్ యాదవ్ ఆధ్వర్యంలో రాళ్లబూదుగూరు పోలీసు అధికారి ఐ. నరేష్ ఉదయం ఐదు గంటల నుంచి ఏడు గంటల వరకు ఈ కార్యక్రమాన్ని చేపట్టారు. ఈ సందర్భంగా గ్రామంలోని పలు ప్రాంతాల్లో తనిఖీలు నిర్వహించి సరైన పత్రాలు లేని నాలుగు ద్విచక్ర వాహనాలను స్వాధీనం చేసుకున్నారు. గ్రామంలో శాంతి భద్రతల పరిరక్షణకు భంగం కలగకుండా పోలీసులు అప్రమత్తంగా వ్యవహరించారు. అలాగే గ్రామ ప్రజలకు అంతర్జాల మోసాలు, మహిళల భద్రత, ధైర్యాస్పర్శ సేవలు, అంతర్జాల పందేలు, మత్తు పదార్థాల వినియోగం వల్ల కలిగే దుష్పరిణామాలు, బాలల రక్షణ చట్టం తదితర అంశాలపై అవగాహన కల్పించారు. గ్రామ ప్రజలు శాంతి భద్రతల పరిరక్షణలో పోలీసులకు సహకరించాలని, అనుమానాస్పద వ్యక్తులు లేదా అక్రమ కార్యకలాపాలపై సమాచారం తెలిసిన వెంటనే పోలీసులకు తెలియజేయాలని సూచించారు. ఈ కార్యక్రమంలో రామకుప్పం పోలీసు అధికారి వెంకట్ మోహన్, గుడిపల్లి పోలీసు అధికారి పి. శ్రీకాంత్, పోలీసు సిబ్బంది, గ్రామస్తులు పాల్గొన్నారు.